Dvölin

Bókasafnið á Eskifirði

Árgjald

16 ára og eldri -2.000.-kr.

Eldri borgarar og öryrkjar -1.000.-kr.

Börn og unglingar undir 16 ára aldri greiða ekki fyrir skírteini.

Framhalds-og háskólanemar, sem framvísa skólaskírteini, greiða ekki árgjald  á tímabilinu september til maí( gildir ekki um nýjar bækur ).

Sektir

20.-kr. dagsekt á bók eða 100 kr. á viku.

Hámarkssekt á bók 500 kr.

Hámarkssekt á myndbönd og mynddiska 1200 kr.

Hámarkssekt á einstakling 3000 kr.

Lágmarksgjald ef gögn glatast í vörslu lánþega er 3.500.-kr.

Ef um ný gögn er að ræða (innan við tveggja ára) gildir innkaupsverð.

Útlánatími

Heimilt er að hafa eldri bækur að láni í 30 daga.

Heimilt er að hafa nýjar bækur að láni í 14 daga

Heimilt er að hafa tímarit að láni í 14 eða 30 daga eftir tímaritum.

Hámarksútlán er 4 bækur  -  Hámarksútlán nýrra bóka er 1 bók

Millisafnalán

Lánþegi greiðir 800.-kr. eða 1600.-kr. vegna sendingarkostnaðar eftir því hvort greiða þurfi aðra eða báðar leiðir. Gildir fyrir allt að fjögur gögn í einu.

Almenningstölvur:      

Hver klukkustund kostar 300.-kr.

Lánþegar með gilt skírteini fá frían klukkutíma í tölvu á dag.

Ljósritun:

A4 = 35 kr. stk.

Um bókasafnið

Bókasafnið á Eskifirði er staðsett í Grunnskólanum á jarðhæð.  Þar eru á sama stað Bæjarbókasafn og Skólabókasafn.  Bókakostur bæjarbókasafnsins telur u.þ.b. 22.000 titla og eru flestar þær bækur til útláns, en dýrari rit og uppflettirit teljast til handbóka og eru ekki lánuð út.  Bókasafnið er með nokkur tímarit í áskrift.

Á bókasafninu fer fram kennsla fyrir nemendur í 1. - 6. bekk grunnskólans.  Kennd er umgengni um safnið almennt.  Grunnfræðslan liggur í stafrófskennslu sem smátt og smátt er heimfærð upp á röðun bókanna á safninu.  Einnig eru sögustundir fyrir alla þessa bekki, sem þó verða færri eftir því sem nemendur eru eldri.  Í eldri bekkjunum eru nemendur látnir leita á safninu, vinna verkefni úr fræðibókum, kynnast betur flokkunarkerfinu og heimildarleit og - vinnu.

Dvölin

Símanúmer í Dvölinni er 476 1568

Nemendur yngstu bekkja skólans eiga þess kost að koma í Dvölina að loknum skóla og dvelja fram eftir degi. Þannig getur lengsta dvöl þar orðið frá 12:25 - 16:30.  Margir krakkar nýta sér þessa þjónustu og eru í „Dvölinni″ í góðu yfirlæti við leiki og störf. Byrjað er með málsverð í hádeginu og síðan tekur við heimanám og ýmis konar afþreying að því loknu. Fastir starfsmenn eru tveir, þær Bryndís Fjóla Sigurðardóttir og Jónína Guðnadóttir.

Reglur fyrir skóladagheimilin í Fjarðabyggð.

• Að öllu jöfnu er boðið upp á vistun frá kl. 12.00- 16.30 fyrir börn í 1. – 4. bekk.

• Hvert skóladagheimili setur sér umgengnisreglur.  Brjóti barn reglurnar ítrekað hefur forstöðumaður samband við heimili barnsins og vinnur ásamt foreldrum barnsins að lausn málsins.  Beri það ekki árangur er forstöðumanni heimilt í samráði við skólastjórnendur að meina barninu um vistun.

• Foreldrar og/eða forráðamenn barna með sérþarfir sem þurfa aukna gæslu að mati skólayfirvalda, félagsmálayfirvalda eða svæðisskrifstofu um málefni fatlaðra, geta sótt um slíka gæslu til fyrrgreindra aðila sem síðan útvega skóladagheimilunum þann liðsauka sem þörf er á.

• Vistunartími skal vera hinn sami innan hvers mánaðar.

• Skólastjórar geta einnig skilyrt vistun á skóladagheimili, t.d. að barn sé þar alla virka daga vikunnar og að vistun sé að lágmarki 2-3 tímar á hverjum degi.

• Breytingar þarf að tilkynna forstöðumanni í tíma og ekki síðar en 20. hvers mánaðar.

• Breytingar taka gildi fyrsta virka dag næsta mánaðar á eftir.

• Skóladagheimilin starfa ekki á starfsdögum kennara og opnun fylgir nemendadögum eftir að starfsemi er hafin.

• Einn starfsmaður skal vera á hver 15 börn. 

• Skipting tíma á skóladagheimilinu er valkvæð á milli skóla en þeir þættir sem helst er horft til eru:

  • Hádegismatur.

  • Aðstoð við heimanám undir stjórn starfsfólks. 

  • Útileikir undir stjórn starfsmanna.

  • Frjálsir inni- og útileikir.

• Gjald fyrir vistun og fæði á skóladagheimili í Fjarðabyggð er ákvarðað af bæjarstjórn samkvæmt fjárhagsáætlun hvers árs.

Samþykkt á fundi bæjarstjórnar 2.október 2003

Nemendaráð Grunnskóla Eskifjarðar

Nemendaráð skólans er skipað nemendum úr 6. – 10. bekk.  Nemendur hvers bekkjar kjósa sinn fulltrúa en forystan er í höndum fulltrúa 10. bekkinga.  Með nemendaráði vinna hvað mest umsjónarkennari 10. bekkjar og aðstoðarskólastjóri.

Verksvið nemendaráðs er m.a. að skipuleggja dagskrá í félagslífi nemenda innan skólans svo og að vera ráðgefandi um ýmis mál innan skólans sem snúa að nemendum.

Fulltrúar nemenda skólaárið 2011 – 2012

·         Sólrún Mjöll Jónsdóttir 10. bekk er formaður nemendaráðs

·         Elfur Gígja Friðbergsdóttir 10. bekk er gjaldkeri

·         Elma Valgerður Sveinbjörnsdóttir 9. bekk ritari

·         Guðrún Arna Jóhannsdóttir 8. bekk meðstjórnandi

·         Sóley Arna Friðriksdóttir 7. bekk meðstjórnandi

·         Helena Eik Hjálmarsdóttir 6. bekk meðstjórnandi

Íþróttaráð Grunnskóla Eskifjarðar

Íþróttaráð er skipað fulltrúum í 6. – 10. bekk. Ráðið vinnur með íþróttakennara skólans að uppákomum tengdum íþróttum s.s. skólamótum í ýmsum íþróttagreinum.

Fulltrúar nemenda í íþróttaráði skólaárið 2011 - 2012

·     Hilmar Rafn Ernuson 10. bekk er formaður ráðsins

·     Guðlaugur Kemp Helgason 10. bekk er varaformaður

·         Bjarki Jóhannsson 9. bekk

·         Bergur Ingi Einarsson 8. bekk

·     Kristján W Smárason 7. bekk

·         Stefán Bjarni Einarsson 6. bekk

Foreldrafélag grunnskólans á Eskifirði

Stjórn foreldrafélagsins

 Póstfang: gunnahj@visir.is

Guðrún Helga Jónsdóttir, formaður

Esther Hermannsdóttir

Linda Bragadóttir

Heiðrún Arnþórsdóttir

Petra Vignisdóttir, fulltrúi kennara

Lög Foreldrafélags grunnskólans á Eskifirði

1. gr.  Félagið heitir Foreldrafélag Grunnskóla  Eskifjarðar.  Heimili félagsins og varnarþing er á Eskifirði.

2. gr.  Foreldrar/forráðamenn allra skráðra nemenda skólans eru félagsmenn.

3. gr.  Megintilgangur félagsins er að stuðla að heill og hamingju nemenda, öflugu samstarfi heimila og skólans svo að efla skólastarfið í samstarfi við starfsmenn skólans og yfirstjórn menntamála, þannig að leiði til betri menntunar.

Tilgangi sínum hyggst félagið ná m.a. með því:

- Að efla almennt félagsstarf og umræður um skóla- og uppeldismál, eftir atvikum í samráði við starfsmenn skólans.      

-Að veita skólanum, starfsmönnum hans og nemendum lið við að bæta aðstæður til náms og félagsstarfa jafnt utan sem innan húss.

4. gr.  Á vegum félagsins skulu fyrir hvern bekk vera tveir bekkjarfulltrúar / tenglar úr hópi foreldra/forráðamanna barna í bekknum. Þeir skulu í upphafi hvers skólaárs að hausti boða til fundar með foreldrum/forráðamönnum barna hvers bekkjar í samráði við umsjónarkennara. Fundurinn skal tilnefna bekkjarfulltrúa til eins árs, annar frá hausti til hausts, hinn frá áramótum til áramóta. Í 1. bekk skulu tilnefndir tveir fulltrúar, annar til eins árs og hinn til eins og hálfs árs.

Verkefni bekkjarfulltrúanna er að sinna þeim störfum sem miða að því að styrkja starf skólans og treysta samband hans við heimilin og vinna með bekkjarkennara við undirbúning og framkvæmd bekkjarfunda og skemmtana. Störf sín skulu fulltrúarnir vinna í sem mestu samráði og samvinnu  við aðra foreldra/forráðamenn, enda séu þeir þeim til aðstoðar. Verkefni bekkjarfulltrúa er að vera tengiliður bekkjarins við stjórn félagsins.

5. gr.  Tvisvar á vetri, fyrir og eftir áramót skal stjórn félagsins boða til og halda fund með bekkjarfulltrúum. Þar skulu rædd mál er varða skólann almennt.

6. gr.   Aðalfund félagsins skal halda eigi síðar en 15. september ár hvert.

Aðalfundur fer með æðsta vald í málefnum félagsins, ræður úrslitum um meginmál þess, setur félaginu lög, samþykkir reikninga þess og kýs því stjórn.

Aðalfundur ákveður hverju sinni þá viðmiðunarfjárhæð sem foreldrar / forráðamenn greiði í foreldrasjóð. Honum skal varið eins og stjórnin ákveður til að standa straum af kostnaði við starfsemi félagsins. Allir foreldrar og forráðamenn eru meðlimir í foreldrafélaginu og greiði árlega félagsgjald kr:_1.500 sem innheimtað verður með gíróseðli. Einfaldur meiri hlutir ræður úrslitum í öllum málum.

7. gr.   Fráfarandi stjórn boðar aðalfund. Aðalfundur skal boðaður með minnst viku fyrirvara. Í fundarboði skal stjórnin kynna efni fundarins ásamt tillögum sínum að næstu stjórn.  Stjórn skal skipuð 5 mönnum sem kosnir skulu úr hópi foreldra/forráðamanna. Stjórnarmenn skulu kosnir til tveggja ára, tveir ganga úr stjórn annað árið og þrír næsta ár. Tveir úr fráfarandi stjórn verða varamenn í eitt ár ef til forfalla kemur. Enginn stjórnarmaður skal sitja lengur óslitið í stjórn en fjögur ár.  

Tveir skoðunarmenn reikninga skulu kjörnir á aðalfundi.

8. gr.   Stjórn félagsins heldur með sér reglulega fundi. Á fyrsta fundi eftir aðalfund skal hún skipta með sér verkum og kjósa formann, varaformann, gjaldkera og ritara úr sínum hópi og skal sá fundur haldinn eigi síðar en viku eftir aðalfund.

9. gr.  Stjórnin skal skipa einn úr sínum hópi og annan til vara sem áheyrnarfulltrúa foreldra á skólanefndarfundi.

10. gr.  Félagsstjórn getur kosið nefndir sér til aðstoðar við úrlausn verkefna eftir því sem þörf gerist.

Þess skal getið í hverju verkefni nefndarinnar eru fólgin, hvenær þau hefjist og hvenær þeim skuli ljúka. Þá skal og ákveðið hvernig sambandi nefndarinnar við stjórn félagsins skuli háttað.

11. gr.   Stjórnin skal þegar ástæða er til boða til almennra félagsfunda eða samkomu í skólanum.

12. gr.  Lögum þessum má aðeins breyta á aðalfundi enda sé getið tillögu um það í fundarboði

Skólaráð Grunnskólans á Eskifirði

Margrét Óskarsdóttir

Gísli Marinó Auðbergsson

Sóley Valdimarsdóttir

Kristjana Atladóttir kennari

Sigrún Traustadóttir kennari

Sólrún Mjöll Jónsdóttir 10.bekk

Elma Valgerður Sveinbjörnsdóttir 9.bekk

Fræðsluráð

Fulltrúar í Fræðsluráði 2006 -2010